المرجو منكم إخواني الأفاضل و أخواتي الفضليات التسجيل معنا و مشاركتنا بما تفيض به أقلامكم
مرحبا بكم أخي الفاضل / أختي الفاضلة تشرفنا زيارتكم و نرجو أن تقضوا معنا أمتع الأوقات و اللحظات كما نرجو من سيادتكم التسجيل معنا إن لم تتسجلوا بعد و بارك الله فيكم أخي الفاضل / أختي الفاضلة

قل : " لا إلاه إلا أنت سبحانك إني كنت من الظالمين "

لا تنسونا من صالح دعائكم أخي الفاضل / أختي الفاضلة

المرجو منكم إخواني الأفاضل و أخواتي الفضليات التسجيل معنا و مشاركتنا بما تفيض به أقلامكم

يمكنكم مراسلتي عبر البريد الإلكتروني Hassouniway@hotmail.fr لتقديم اقتراحاتكم و آرائكم و شكرا مسبقا
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 نكت مغربية

اذهب الى الأسفل 
كاتب الموضوعرسالة
kajol



عدد المساهمات : 23
نقاط : 81828
السٌّمعَة : 0
تاريخ التسجيل : 13/02/2010

مُساهمةموضوع: نكت مغربية   السبت فبراير 13, 2010 2:00 pm

هادا واحد التلميد قال ليه المعلم: عطيني خمسة ديال الحيوانات
قال ليه التلميد: بقرة و كلب و تلاتة ديال الحمامات

واحد البنت قالت لباها راه واحد ولد الناس بغى يخطبني وما فيه حتى عيب. قال ليها باها واخا، قولي ليه يجي نشوفو
جا الخطيب وجلس مع بات البنت وهو كيمضغ المسكة وهو يقول ليه الراجل: مرحبا بيك أولدي. ولكن واش ما جاتش ف شكل تمضغ المسكة ونتا جاي تخطب؟
قال ليه الشاب: ولكن أ عمي، المسكة ضرورية من بعد ما يكمي الواحد كارو
قال ليه الراجل: هي كتكمي؟
قال ليه الشاب: شوية وصافي، مع شي كويس ديال الشراب
قال ليه الراجل: وزايدها كتسكر؟
قال ليه الشاب: مرة مرة، ملي كنقمر
قال ليه الراجل: وفين كتلعب القمار؟
قال ليه الشاب: ف واحد الكاباري
قال ليه الراجل: ومن إمتى ونتا كتمشي للكاباريهات؟
قال ليه الشاب: من نهار خرجت من الحبس
قال ليه الراجل: وعلاش دخلتي الحبس؟
قال ليه الشاب: حيت ضربت واحد الراجل بالموس وقتلتو
قال ليه الراجل: وعلاش قتلتيه؟
قال ليه الشاب: حيت ما بغاش يجوجني بنتو
قال ليه الراجل: على بركة الله، نجيبو العدول دابا



هادا واحد الولد ساقط ورا النتيجة ديالو لباه. عطاه باه قتلة ديال العصا وقال ليه يا الكسول أشنو كنتي كتدير ملي كانو قرانك كيقراو
منين كمل معاه جات نوبة خوه. ورا لباه النتيجة اللي مكفسة بحالها بحال ديال خوه. شاف فيها باه وهو يقول ليه: سير أولدي الله يهديك، ولكن العام الجاي خاصك تدير حسن من هاكا.
الولد اللي كلا العصا بغى يحماق ما فهمش القضية كيدايرة. وهو يسول خوه: كيفاش زعما بجوجنا ساقطين وأنا ناكل العصا ونتا لا؟
قال ليه خوه: حيت حطيت ليه مية درهم ف وسط النتيجة


هادا واحد المعلم رسم سباط ف السبورة وسول واحد التلميد: أشنو هادا؟
قال ليه الولد: هباط
سلخو المعلم مزيان وقال ليه: لا هادا سميتو سباط
الغد ليه عاود المعلم رسم سباط وسول نفس التلميد: أشنو هادا؟
عاود قال ليه الولد: هباط
عاود معاه المعلم نفس السيناريو شحال من مرة ولا بغى الولد يحفض هاديك سباط. المعلم طلع ليه الدم، وقال ليه: صافي جيب ليا ولي أمرك
منين جات أم الولد، قال ليها المعلم: شوفي أ لالة، راني عييت مع ولدك... ديما كنرسم ليه هادا وكيقول ليه هباط
بقات المرا تفكر شوية وهي تقول ليه: إيوا أشنو بغيتيه يقول ليك؟ هبرديلة؟


واحد المرا كاعية مع راجلها وهي تقول ليه: كون غير خديت إبليس ولا خديتك
قال ليها راجلها: شرعا، لا يجوز المرا تجوج بخوها

واحد مكلخ موصلينو دارهم للمطار. الطريق كامل وهو كيقول: كون غير جبت التلفزة... كون غير جبت التلفزة
مللي وصلوا المطار، دارهم طلع ليهم الدم وقالوا ليه: فرعتي لينا راسنا، علاش زعما تجيب التلفزة؟
قال ليهم: حيت خليت الباسبور فوق منها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
kajol



عدد المساهمات : 23
نقاط : 81828
السٌّمعَة : 0
تاريخ التسجيل : 13/02/2010

مُساهمةموضوع: رد: نكت مغربية   السبت فبراير 13, 2010 2:47 pm

هدا واحد الراجل كان غادي ف الطريق وهو يبزق عليه واحد الطير
شاف البزق و قال: حمدتك يا ربي مني ما عطيتيش للبقر الجناوح

واحد الطلاب مشى عند واحد مول فران مسموم قال ليه: خويا، سيمانة هادي ما دقت الخبز
قال ليه مول الفران المسموم: راه مداقو هو هو، ما تبدلش

واحد مول الطاكسي كان راكب عندو واحد خينا مبوق ملي ضرب واحد الراجل
مول الطاكسي مخلوع قال للمبوق: نزل أخويا الله يرحم باك شوف ياك ما مات
نزل المبوق وقال ليه: رجع شوية اللور، زيد شوية القدام على ليسر... زيد مازال... صافي بركة. دابا مؤكد قضيتي عليه


واحد مبوق صرفقو صاحبو وهو يقول له: واش بصاح أولا كتفلا؟
قال ليه صاحبو: لا بصاح
قال لي المبوق: مزيان... حيت أنا ما كنحملش التفليات

الفروج قال للدجاجة: أشنو فايدة اللي كيبيض البيض للناس باش ياكلوه؟
قالت ليه الدجاجة: إيوا بعدا حسن من اللي كيودن وما كيصليش

هادا واحد مشى للسوق وشرا دلاحة
منين حلها خرج ليه عفريت وقال ليه: طلب وتمنى
قال ليه الراجل: بغيت دار
قال ليه العفريت: ما لقيتها حتى أنا اللي ساكن ف دلاحة

واحد مبوق طاح من فوق العمارة وتجمعات عليه الجوقة
سولوه الناس: أشنو وقع؟
قال ليهم: ما عرفتش، أنا يالله جيت


واحد سكران رجع للدار مع الخمسة د الصباح. حلت ليه بنتو وهو يقول ليها: فين كنتي حتال هاد الوقت؟ رجعي فين كنتي!
هو يسد عليه الباب وبات ف الزنقة


واحد مبوق كيتمشى حدا واحد الواد وهو يخرج ليه تمساح
وهو يقول: يآآآآآآآاه! لا كوست



هادا واحد الراجل شرى حولي قبل من العيد بعام وولفو عليه مالين دار. مللي قرب العيد مشى الحولي عند الراجل وقال ليه: بابا امتى غتجيب الحولي؟

جوج مشاو للمحطة د التران ولقاوه بدا كيتحرك. واحد لحقو نقز فيه وركب، ولاخور ميت بالضحك ما ركبش. مللي سولوه مالك؟ قال ليهم: هاداك المكلخ راه غير جا يوصلني

هادو جوج غاديين ف الغابة وهو يخرج ليهم سبع. ناض اللول ضرب السبع بحجرة كبيرة وهرب كيجري. شوية وهو يتلفت وراه وبان ليه صاحبو كاع ما كيجريش. قال ليه: وا مالك أصاحبي ماكتجريش؟
جاوبو صاحبو: وعلاش نجري؟ مالي أنا اللي ضربتو؟

هادا واحد كيقعل بزاف، تلاقى مع واحد صاحبو، سولو صاحبو: باش تغديتي؟ قال ليه: بالحوت. ومن بعد عام، تلاقى بهاداك صاحبو نيت وهو يسولو: وا كي داير؟ جاوبو: مقلي

هادا واحد مكلخ سول صاحبو قال ليه: علاش الورق ديال الشجر كيسقط ف الخريف؟
رد عليه صاحبو قال ليه: حيت ما قرا والو ف الصيف

واحد مبوق حيد جلابتو وعلقها. شوية وهي تطيح هاديك الجلابة، وهي يقول مع راسو: الحمد لله مللي ما كنتش فيها

هادو 2 دراري تعطلوا على المدرسة. سولهم المعلم : علاش تعطلتوا؟
قال ليه واحد: راه طاحت ليا 10 د الدراهم.
و هو يسول المعلم التاني: و نتا مالك؟
قال ليه لاخور: راه كنت داير رجلي عليها.

هادا واحد ديما كيهز شي حاجة من دارهم. واحد النهار شفر بورطابل ديال خوه. ناضوا تاصلو بيه
من الدار قالو ليه رد البورطابل. وقال ليهم: نتوما أي حاجة تمشي لصقوها فيا!

هادا واحد الولد شاف ماماه حاملة و هو يسولها: "أشنو كاين ف كرشك؟"
قالت ليه: "هادا خوك"
قال ليها: "واش عزيز عليك؟"
قالت ليه: "آه"
قال ليها: "إيوا إيلا عزيز عليك علاش سرطتيه؟"

هادا واحد ضرب التلفون لصاحبه حيت مزير ف شي فلوس. هوما غاديين ف المكالمة عادي، حتى جات سيرة الفلوس، غير طلب اللول من صاحبو شي فليسات و هو يرد عليه: الرقم الذي تطلبونه غير موجود، المرجو عدم الاتصال لاحقا

هادو تلاتة مبوقين ركبوا طاكسي. مول الطاكسي عاق بيهم واش ما حاضرينش، ناض شعل الموطور و طفاه و قال ليهم صافي وصلنا.
اللول عطاه الفلوس
التاني قال له شكرا
التالت نزل من الطاكسي و دار لعند مول الطاكسي و سرفقه. مول الطاكسي يسحاب ليه واش السيد عاق بالقالب دياله، ساعة هو يقول ليه: المرة الجاية ما تسوقش بالزربة بزاف

واحد الوليد سول أمه: ماما، أنا كيفاش جيت للدنيا؟
قالت ليه أمه: غير حطيت شوية د السكر تحت الموكيط و نتا تجي.
ناض الولد حتى هو حط شوية ديال السكر تحت الموكيط. من بعد يومين رجع يشوف و هو يلقى سراق الزيت و هو يقول ليه: كون ما كنتيش ولدي، كون قتلتك



واحد مبوق كيبكي ف السبيطار. سولوه ماله. قال ليهم: لا والو، غير الوالد مات شوية

هادو جوج مساخيط. اللول قال للتاني: أنا مسخوط كتر منك
قال ليه التاني: لا، أنا مسخوط كتر منك
ناض اللول شاف واحد المرة شارفة دايزة و عطاها قتلة ديال العصا. مشى عند صاحبه قال ليه: شفتي؟ حتى الشارفات ما يزهقوش من بين إيديا
التاني شداته الموت ديال الضحك، و قال ليه: إيوا شفتي راه هادي مي، و كاع ما فكيتهاش منك


هادا واحد مشى لمطعم ف فرنسا، و عيط للجرسون: جرسون، بغيت حريرة عافاك.
قال ليه الجرسون: باردون؟
قال ليه لاخور: لا، ساخنون

هادو جوج مبوقين جالسين قدام المراية، و هي يقول واحد فيهم لصاحبه: شوف هادوك الجوج اللي جالسين قدامنا ناض صاحبه و قال ليه: بلاتي نشوف أش كيديرو
و هو يقول ليه لاخور: غير جلس. ها واحد فيهم جاي عندنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
c moi
زائر



مُساهمةموضوع: hhhhhhhhhhhhhhhhhhhhhhhhhhhhhhhhhh   الجمعة فبراير 19, 2010 12:20 pm

Merci wa zwwiiiiiiiiiiiiiiiiiiiiiinat 3andak had les blage
الرجوع الى أعلى الصفحة اذهب الى الأسفل
 
نكت مغربية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المرجو منكم إخواني الأفاضل و أخواتي الفضليات التسجيل معنا و مشاركتنا بما تفيض به أقلامكم  :: النكت-
انتقل الى: